Si Cebu City Police Office Supt. Melvin Gayotin nga nahinabi sa Banat News nanawagan sa publiko kun kinsay nakaila ug nakakita sa giingong polis sa wala pa mahitabo ang pagpusil patay sa tigpatanto ug ang secretary niini nga mokooperar kanila sa paghatag impormasyon o manawag sa kapolisan.
Gibutyag ni Gayotin nga dunay silay nakuhang tulo ka numero sa cellphone niadtong gipalodan sa tindahan atbang sa PRH Lending Investor kay matud pa nagpalod daan una pa mitabok sa pikas dayon nang sulod sa buhatan ni Pilar Hernandez
Sa tulo ka cellphone number nga ilang nakuha duha niini ang nasuta nga iya sa babaye human nila gitawagan apan ang usa ka numero ilang gisuwayan apan dili makontak hangtod karon.
Dili hinuon kombinsido si Gayotin nga ang tag-iya sa maong number usa ka polis apan nagduda siya nganong dili makontak.
Gipahibalo usab ni Gayotin nga giandam na karon ang tanang listahan nga ngalan sa iyang mga sakop aron sa pagsusi kun wala bay nalambigit niini.