Ang mitahan mao si Jonathan Pangandoyon, hingkod ang panuigon, minyo, kanhi sakop sa PC nga taga sitio Binlod, Candabong, Argao.
Si Jonathan Pangandoyon maoy suspetsado nga nakapusil patay kang SP01 Paulino Resaba, hingkod ang panuigon, ug miangol usab kang Conrado Ancheta, hingkod ang panuigon, minyo ug ilang silingan sa maong dapit.
Gihimo ang pagtahan sa suspetsado ngadto kang Inspector John Gilbert Basalo, hepe sa Argao Police Station.
Si SP01 Jaime Mendoza sa Argao Police Station nga gikahinabi sa Banat News miingon nga ang biktima ug ang suspetsado gikan sa namista sa Bliss sa sitio Candabong.
Matud pa ni SPO1 Mendoza nga kuyog ni SPO1 Resaba ang asawa niining si Agnes ug kuyog usab sa suspetsado ang igsuon niining si Jimmy Pangandoyon.
Sumala pa ni SP01 Mendoza nga nag-inom ang biktima ug ang suspetsado hangtod dihang nangahubog na kalit nga gikalalis ni SP01 Resaba ang igsuon sa suspetsado nga si Jimmy.
Matud nga Mendoza nga si SP01 Resaba wala makapugong sa kasuko atol sa panaglalis nakasukmag kang Jimmy nga maoy hinungdan nga nahitabo ang karambola.
Taliwala sa nagpadayong karambola, ang biktima nga si SPO1 Resaba nakahigayon sa pag-ibot sa 9mm niining armas ug mipaboto kini sa makadaghan ug ang biktima nga si Ancheta maoy naigo.
Nag-inilogay si SP01 Resaba ug si Pangandoyon hangtod nga natumba si Resaba ug nailog ang armas nga 9mm niini ug gigamit ni Pangandoyon pagpusil sa ulo, lawas ug tiil ni SPO1, Resaba.