Kini ang pasiunang kalihukan sa dili pa ang ASEAN Leaders' Summit karong Disyembre nga ipahigayun gihapon sa Sugbo.
Ang nakalahi sa duha ka kalihukan mao nga ang AIPO, tigum kini sa mga magbabalaud samtang ang ASEAN Leaders' Summit, tigum sa mga lider sa nasud nga sakop sa Association of Southeast Asian Nations.
Karong gabii, ang mga delegado sugaton ni Gobernador Gwendolyn Garcia sa usa ka panihapon sa Capitol Social Hall.
Mokabat sa 300 ka magbabalaud ang magtigum sugod karong adlawa ug molungtad kini hangtud sa Biyernes.
Si Presidente Gloria Macapagal Arroyo dili makaanhi sa mga delegado gumikan usab sa iyang pagtambong sa tigum sa 38 ka lider sa mga nasud sa Asia-Europe Meeting sa Helsinki sa nasud sa Finland nga magsugod usab karong adlawa hangtud ugma.
Bugtong sila si House Speaker Jose de Venecia ug Kong. Antonio Cuenco, nga maoy pangulo sa organizing committee sa 27th AIPO general assembly maoy makaatubang sa mga delegado.
Tanang kongresista sa Sugbo ang apil sa delegasyon sa Pilipinas isip host ang Sugbo.
Tukion sa maong tigum ang mga isyu mahitungod sa kalinaw ug kahusay sa kalibutan, terorismo, kakabus, panglawas, kalikupan, illegal nga drugas, tawhanong katungod, hustisya ug kriminalidad.