Rebelde kuyaw mag-unay

Gawas lang kun mag-inabtik ang mga sakop sa relebde dinhi sa Cebu dili sila maunay pag-ihaw sa ilang mga kaubanan ra usab pinaagi sa gitawag nila og purging, ang sistemang gisagop karon sa mga komunista dinhi sa nasud, matud pa ni Col. Oscar Lasangue, tigpamaba sa Civil Relations Group Service (CRGS) sa Central Command.

Gilantaw kini sa militar karon tungod kay gikan sa Luzon ug sa Eastern Visayas ilabi na sa Inopazan, Leyte nadiskobrehan na ang ginatos nga mga New People's Army (NPA) nga giunay rag ihaw sa ilang kaubanan tungod niining gipatuman nilang "purging system".

Matud pa ni Lasangue nga wala pa kaayo kini mabaniog dinhi sa Sugbo ilabi na sa mid-north nga giingong balwarte karon sa mga NPA.

Apan isip tawo ra usab nga mobati og kaluoy sa iyang i- sigkaingon, si Lasangue mipasidaan ngadto sa mga misimpatiya pa gihapon karon sa grupo sa mga komunista dinhi sa Sugbo, nga magmaigmaton sila.

Ang pagpamun-og o pagpanibhang sa ilang mga miyembro pinaagi sa pagpatay daan nang gipatuman niadtong 1980, matud pa ni Lasangue.

Apan karong gilusad na sa militar ang "all-out-war campaign", gipahimuslan usab sa mga rebelde ang pagpamatay sa ilang mga sakop aron ipasangil ang krimen ngadto sa militar.