Sea lanes sa oil tankers i-establisar

Gimanduan sa Malacañang ang Philippine Coast Guard sa pag-ila sa "sea-lanes" nga paagian sa mga barkong magkarga og lana ug uban pang delikado nga kemikals aron malayo sa "ecologically sensitive areas."

Kini aron malikayan nga masubli ang nahitabo nga oil spill nga mugna sa MV Solar sa kadagatan sa Guimaras.

Matud pa ni Tourism Secretary Joseph Ace Durano nga ang kamandoan giluwatan ni Presidente Gloria Macapagal Arroyo atol sa niaging tigum sa National Disaster Coordinating Council nga gipasiugdahan mismo sa Presidenti sa Guimaras niadtong Lunes.

Dugang pa ni Durano nga ang PCG moduso sa ilang report ngadto sa Presidenti sa sunod tigum sa NDCC karong Septiyembre 6 nga ipahigayun gihapon sa Guimaras.

Si Durano sa nasayran, mao usab karon ang gitahasan sa Presidenti sa pag-superbisar sa kalamboan alang sa Central Philippines super region.