Nanawagan ang CCCI sa ilang mga sakop nga kompaniya nga mohatag og hinabang alang sa rehabilitasyon sa lugar.
Ang mga hinabang nga gikolekta karon sa CCCI mao ang mga cleaning materials sama sa rubber boots ug gloves, empty drums, pino nga pukot, shovels, pisi, ginamit nga medyas ug stockings ug goggles.
Lakip sa kolektahon mao ang mga pagkaon, medisina alang sa allergy ug asthma ug cash donations alang sa mga apektadong pamilya.
Ang CCCI nakig-alayon sa ubang sektor sama sa Coastal Conservation and Education Foundation, Inc., Kapisanan ng mga Brodkaster sa Pilipinas, ALUVIMCONTU, Welfare Center, kagamhanan sa lalawigan ug dakbayan sa Sugbo, Integrated Bar of the Philippines-Cebu City ug Cebu Province chapters, Couples for Christ-Gawad Kalinga, Mandaue Chamber of Commerce and Industry, Kalikupan Law Group, Cebu Jaycees, Cebu Lady Lawyers, Inc., Share A Child Movement, Inc., University of Cebu Law Students Association, University of San Carlos, Department of Environment and Natural Resources, Philippine Coastguard, Naval Forces Central, Philippine National Police, Banilad Town Center, Visayan Electric Company, Rotary Club - Mandaue North ug ZONTA Club.
Ang mga donasyon dawaton sa buhatan sa CCCI sa North Reclamation Area, dakbayan sa Sugbo.