Ang alarma nga nagsugod alas 2:10 ang takna hingpit nga nakontrolar alas 2:23 ang takna human ang Bureau of Fire Protection sa dakbayan ug ang kabomberohan sa Mactan Cebu International Airport (MCIA) ang nagtinabangay sa pagpawong niini.
Si Sgt. Joseph Pati sa Operations center nga gikahinabi sa Banat News miingon nga ang kalayo nagsugod sa ikaduhang andana sa quarter.
Matud pa niya nga ang katunga lamang sa maong edipisyo ang nakaangkon og kadaut sanglit dali man kining natabang sa mga bombero.
Dugang pa ni Sgt. Pati nga ang nasunog nga quarter maoy gipuy-an sa kapin sa napulo nila ka mga opisyal nga ang kadaghan kanila dili taga dinhi sa Sugbo.