Ang biktima mao si Elmer Revira, 39, minyo nga taga Subangdaku, Mandaue.
Nailhan lang sa bansagong Torralba ang nakapusil sa biktima ug guwardiya sa Caltex Gasoline Station nga nahimutang sa Reclamation Area.
Si SPO1 Emmanuel Enolpe sa Presinto 2 sa Subangdaku Police Station nga gikahinabi sa Banat News miingon nga nahidangat ang biktima nga nagluwan sa traysikol ug gipangita niini si Ryan Tapiador nga janitor sa maong gasoline station.
Gibalibaran sa guwardiya nga maoy nakaingon sa kasuko niini ug gitionan ang guwardiya sa gidala niining armas.
Human sa pagpanion ang biktima nga nagdali sa pagbiya sa maong dapit ang kalit lang gipusil sa suspetsado nga maoy nakaingon sa grabeng pagkaangol niini.
Gidala ang biktima sa Mandaue District Hospital apan gibalhin kini sa Vicente Sotto Memorial Medical Center sa dakbayan sa Sugbo.