Prisohon og 12 ka tuig Mag-agaw ang 'killer'

Gibalhog na karon sa bilanggoan ang manag-agaw kinsa maoy gitumbok sa usa ka saksi nga maoy nipusil patay sa 18 anyos nga kandidata niadtong Sabado sa kaadlawon sa Magtagobtob bukirang barangay sa Danao.

Ang anaa karon sa Danao Detention Cell nailhan nga sila si Ronito ug Teodesio Tapia pulos 19 anyos ang pangidaron ug nagpuyo sa nahisgutang barangay.

Si Konsehal Rodrigo Yangco sa dakbayan sa Danao maoy nitawag sa telepono sa kapulisan nga nailhan na ang suspek sa pagpatay ni Irish Bacang

Kahinumduman si Bacang nagpuyo sa Lawaan, usa sa mga kandidata sa Miss Magtagobtob ug atol sa gihimong counting diha sa basketball court nasayran nga si Bacang maoy nag -una sa ubang mga kandidata, apan kalit lang napawong ang sugang dagitabnon ug gipusil ang biktima diha maigo sa walang hawak nga maoy nakaingon sa pagkamatay pag-abot sa ospital dinhi sa Sugbo.

Si SPO3 Edgar Gomez desk officer sa Danao nga nahinabi sa Banat News miingon nga dihay usa ka saksi nga nakakita gayud sa duha ka manag-agaw nga maoy nipusil sa biktima.

Sila si Jacinto Manco ug Joveniano Gimongala mga tanod sa Lawaan maoy nipasurender sa duha ug gitugyan na ngadto sa kapulisan sa Danao.

"Ang duha ka mga suspek mihimakak sa pasangil nga sila maoy responsabli sa pagpamusil, apan ila man pud nang katungod" dugang asoy ni SPO3 Gomez.

Matud ni Go mez nga wala pa nila mapasakaig kasong murder ngadto sa piskaliya ang duha gumikan kay nagpaabot pa sila sa resulta sa autopsy.