Atol sa press conference kagahapon sa udto ang barkada system maoy mipatigbabaw atol sa gihimong deliberasyon sa maong balaodnon sa House Committee on Local Government nga gidumala ni Kongresista Emilio Macias niadtong miaging adlaw.
Dako ang pagtuo sa mayor nga makalusot gyud sa kongreso ang Sugbuak bill tungod niining pabor-pabor sa kongreso ubos sa pagdumala ni Speaker Jose de Venecia.
"They completely ignore the sentiments of the Cebuanos and this is the reflection of De Venecia who is anti-local Government code," dugang asoy ni Osmeña.
Apan dako ang kompyansa sa mayor nga dili kini basta-basta nga makalusot didto na unya sa Senado nga walay pormal nga konsultasyon nga himuon sa mga hingtungdang Sugbuanon.
Kining maong pabor-pabor nga sistema sa kongreso maoy usa sa hinungdan nga kusganong gisupak ni Osmeña ang giduso nga parliamentary form of government pinaagi sa pagpasiugda og Charter Change gumikan kay ang mahitabo na gyud unya nga magsabotsabot ang mga kongresista aron matuman ang unsay gusto nilang mahitabo ilabi na ang pagpili og mahimong lider sa nasud.
Ang Sugbuak bills gitakda na kining iduso sa House Committee on Rules aron ma-agenda na alang sa ikaduha ug ikatulong pagbasa sa kongreso.