Inasal festival sa Talisay di madayon

Ang dakbayan sa Talisay posibleng dili makapahigayon og Inasal Festival niining tuiga human ang mga organizers niini wala pa makapresentar sa sumada sa mga nagastuhan sa milabay'ng festival.

Si Konsehal Shirley Belleza, kinsa maoy tsirman sa Inasal Festival mibutyag nga si Emma Macuto, city treasurer sa Talisay maoy naghupot sa pundo nga gigahin sa festival sa milabay'ng tuig tungod kay ang city treasurer maoy chairwoman sa Solicitation Committee ilabi na sa pag-organize og fund raising sa proyekto .

Si Belleza namalibad nga wala siya makahupot sa na-solicit nga salapi nga mikabat sa P1.9 milyones.

Ang Inasal Festival gilusad sa dakbayan sa milabay'ng tuig aron mailhan ang siyudad sa 'main delicacy' niini nga mao ang inasal ug ang solicitation maoy gikuhaan sa tinubdan sa salapi nga nagasto.

Matud ni Belleza nga mikabat sa P3.2 milyones ang nagasto sa maong proyekto lakip na niini ang advertisement ug ang dakbayan nakapagawas og P700 mil nga salapi nga gitapak sa alkanse.