Ang namatay mao si Arestona Sellote, ug ang naangol mao sila si Marina Inot, 38, ug Fredeluna Balansag, 42, pulos minyo, ug nagpuyo sa naasoy'ng dapit.
Sumala pa ni SPO1 Jess Cayrel sa Minglanilla Police Station nga ang suspetsado nga si Eric Lopez, 52, taga Don Andres Soriano, Lutopan, Toledo, nahiagi sa balay sa mga biktima samtang si Sellote namubo og tubig sa mga tanom niini.
Si Lopez nga adunay gikabangiang yuta ni Sellote napiksan sa tubig hinungdan sa kasuko niini hangtod misangpot sa panaglalis.
Miibot og sundang si Lopez ug gitigbas si Sellote. Silang Inot ug Balansag miduol unta sa inahan nilang naigo na, apan sila na hinuon ang gipanigbas.
Nanagan ang duha, apan gigukod ni Lopez, hangtod natumba si Fredeluna ug nagpapataypatay.
Si Sellote nga nakita ni Lopez nga buhi pa, gibalik niini ug gigunitan ang buhok ug gitiwasan sa pagtigbas ug miikyas sa kasagbutan pagkahuman.