Ang pagpamusil nahitabo alas 6 pasado ang takna sa miaging gabii sa Cansuje, Argao.
Ang biktima mao si Jose Cueva Rellanos, 28, ulitawo nga taga Cansuje, Argao.
Ang suspetsado mao si Joel Panes, 26, minyo nga silingan lamang usab niini sa maong dapit.
Sa nasayran ni PO1 Rodrigo Teo sa kapolisan sa maong lungsod nga ang biktima gipusil niadtong Hulyo 26 niining tuiga nga maoy nakaingon sa pagkaangol ug nalandig sa tambalanan.
Matud pa ni PO1 Teo nga misuroy lang ang biktima sa maong dapit ug nahiagi ang grupo sa suspetsado nga nag-inom og tuba.
Giagda sa pagpainom ang biktima apan mibalibad sanglit bag-o pa kining nakagawas sa tambalanan ug nag-inom pa kini og tambal.
Nagkukabildo ang biktima ug nag-inom nga sila si Rolando Rellanos, Mario Arobo, Aquino Corade Jr ug George Panes nga magulang sa suspetsado.