Base sa taho nga iatol sa tungang gabii nga walay polis nga magbantay ang pagpahigayon og drag race sa mga badlongon diha sa nahisgutang karsada.
Ang mga residente sa lugar nahasol kaayo sa maong kalihokan tungod kay dili sila makatarong og katulog tungod sa kasaba sa andar sa mga sakyanan diin kasagaran nga maglumba mga motorsiklo.
Ang nahisgutang drag race nakahatag usab kini og peligro sa kinabuhi sa mga moagi sa lugar ug sa mga rider.
Kahinumduman nga sa milabay'ng tuig ang mga residente diha duol sa South Coastal Road mireklamo na kabahin sa maong problema apan mibalik na usab kini karon.
Si Belleza mibutyag nga mipadangat na siya og memorandum ni Police Superintendent Romeo Perigo, hepe sa kapolisan sa Talisay kabahin sa nahisgutang problema para mahatagan dayon kini og aksiyon.
Kagahapon napakyas ang Banat News og kuha og pamahayag ni Perigo tungod kay wala kini motungha sa iyang buhatan.