Kini nahitabo alas 8 sa gabii niadtong Huwebes sa sitio Tagaytayon, Candiis bukirang barangay sa Badian gibanabanang 20 kapin ang gilay-on sa Poblacion
Ang biktima giila nga mao si Santos Jabas, 42, minyo, mag-uuma ug tanod sa maong lugar.
Si Felipe Jabas, 38, minyo, mag-uuma maoy nipahibaw ngadto sa kapulisan.
Sa gihimong hot pursuit operation sa kapulisan sa Badian nga gipangulohan ni SPO4 Vicente Suertes Jr. ug mga kauban miresulta sa pagkasikop sa suspek nga si Jissie Ambrad, 23, ulitawo ug nagpuyo ra usab sa maong lugar.
Segun sa report naglakaw pauli sa ilang balay si Jabas ug giatngan nang daan sa suspek nga may dala nga kutsilyo.
Sa dihang niagi sa tungod ang biktima, kalit kining gihansakan sa kutsilyo sa makaduha ka higayon diha sa tiyan.
Nakapangayo pa og panabang ang biktima ug gihatod sa Badian District Hospital, ug pila ka minutos gidala dinhi sa dakbayan sa Sugbo apan wala kini kaabot nga buhi.