Ang biktima mao si Rogelito Mangubat, 26, ulitawo, lumad sa Lapu-Lapu ug usa ka working student nga temporaryong nag-abang sa naasoy'ng lugar.
Base sa imbestigasyon ni PO2 Rey Manatad sa Station 4 sa Mandaue City Police Office nga nanaog si Mangubat sa iyang giabangan nga kuwarto gumikan sa sugo sa lawas.
Gumikan sa kainit sa panahon milingkod una kini sa ubos sa iyang gipuy-an ug kalit lang nga dunay tawo nga mikalit og duol kaniya dayong pusil kaniya.
Si Mangubat patay dihadiha dayon human kini makahiagom og samad pinusilan sa iyang agtang, samtang dali kaayong misibat ang mga mamumuno.
Base sa background sa biktima, usa kini ka buotang tawo ug wala kini mahilambigit og kaso diin bugtong anggulo nga gisubay karon sa kapolisan mao ang motibo sa paregla. - Bong Soriano