Ang mga tinugyanan sa City Treasurer's Office nga gipanguluhan ni Ricky Radjaie, Consumer Welfare Desk Officer Fe Sedillo, Market Marshall ug polis nga si SPO1 Dante Lopez ang mihimo sa pagronda sa mga satellite markets ug public market sa nangaging semana nga ningresulta sa pagkasakmit sa depektosong mga timbangan.
Sa report ni market administrator Antonio Taylo ngadto kang Mayor Thadeo Ouano nasuta nga sa barangay Canduman, 11; Basak, 17; Flyover-Maguikay, 20; Pagsabungan, 3; Tabok, 10; Alang-alang (Prince Warehouse Club), 7 ug City Public Market, 41.
Nasuta nga ang maong mga timbangan wala narehisto, gubaon, buak ang bildo ug kuwang og 100 ka gramos ang kalibrasyon.
Nakasakmit usab ang mga awtoridad og usa ka de kolor nga bombilya nga gigamit sa karnehan.