4th year high school gitabanga'g luba

Nakabaton og grabeng mga samad sa iyang kalawasan ang usa ka fourth year high school student nga lalaki nga gitabangan sa pagpanunggab sa laing pundok sa mga batan-on nga gituohang sakop sa gikaintapang Ahos Gang.

Ang pagpanunggab nahitabo alas 10 pasado ang takna sa miaging gabii sa Mulle Osmeña, Poblacion, dakbayan sa Lapu-Lapu.

Ang biktima mao si Crisologo Muñez, 17, ulitawo, nagpuyo sa dalan Dimataga, Poblacion sa maong dakbayan.

Si SPO2 Rolito Jumao-as sa Homicide Section sa kapolisan sa maong dakbayan nga gikahinabi sa Banat News miingon nga naglakaw lang ang biktima ug nasugatan ang mga suspetsado.

Matud pa niya nga ang mga wala mailhing pundok sa mga batan-on kalit lang mihamag ngadto sa biktima ug gitabangan sa pagkulata ug gidunggab ug nanagan pagkahuman.