Ang biktima nga midangop sa buhatan sa Waterfront police station giilang si Benjamin Pelayo Cometa, nga taga dalan M.J. Cuenco, Lorega-San Miguel ning dakbayan.
Ang biktima mipasangil sa duha ka mga residente sa Sitio Ponce sa nahisgutang barangay nga naila lang nga sila si Raby ug Alex.
Sumala pa sa pasangil sa biktima giguba sa duha ang GI sheets nga bungbong sa maong bodega nga gipanag-iya sa biktima nga diha mahimutang sa tupad sa usa ka motel diha sa dalan General Maxilom extension.
Nakuha sa duha ang usa ka Kawasaki electrical motor nga nagkantidad og P18,000; onse ka mga tire rims nga nagkantidad og P19,800; usa ka makina nga Toyota 5K nga nagkantidad og P46,000; tulo ka jacks nga nagkantidad og P7,500 ug mga tools nga nagbalor og P10,000.
Ang kapolisan mihimo na og dugang follow up sa maong kaso.