Ang nadakpan mao si Demetrio Ferrer, 26, ulitawo ug silingan usab sa biktima nga si Florencia Elesio, 51, bulag sa bana nga gituohang gilugos sa wala pa patya ang biktima.
Si PO2 Eduard Seno sa kapolisan sa maong lungsod nga gikahinabi sa Banat News miingon nga ang mga barangay tanod sa maong dapit maoy nagtaho niining maong hitabo sa ilang buhatan.
Matud pa ni PO2 Seno nga dali nilang giadto ni SPO1 Vicente Omiping Suyoc ang maong dapit ug ilang nakita ang patay'ng lawas sa biktima nga hubo nga nagbuy-od sa luyo sa panimalay niining gipuy-an.
Nakabaton kini og kadaut sa ulo ang biktima nga gituohang misukol sa pagpanamastamas sa pagkababaye nga maoy hinungdan nga gidakdakan og bato ug namatay.
Si PO2 Seno miingon pipila ka lumolupyo sa maong dapit mipadayag nga si Ferrer maoy katapusang kuyog sa biktima sa wala pa patya nga maoy hinungdan nga ila kining gidakop.