P165, 700 nadala's kawatan

Mokabat sa P165,700 ang nahanaw sa usa ka security agency human ang buhatan niini nabiktima sa pagpanglungkab niadtong miaging tungang gabii apan kagahapon lang sa buntag nadiskubrehan.

Ang gilungkab mao ang buhatan sa Minfes Investigation and Security Agency nga nahimutang sa dalan North Road Plaza sa Labogon, Mandaue.

Si PO3 Edgardo Pasaylo sa presinto 3 sa Mandaue miingon nga si Christina Andales, 26, cashier sa maong buhatan maoy nakataho niini kanila kagahapon.

Matud pa ni PO3 Pasaylo nga si SPO2 Juan Calamba nga maoy nag-imbestigar sa maong hitabo miingon nga lakip sa gilungkab mao ang cabinet ni Calixto Sumayag nga maoy general manager sa maong ahensiya.

Dugang pa ni PO3 Pasaylo nga mokabat usab sa P5,700 ang salapi ug ang lisensiyadong armas niini nga kalibre 45 ug mga buhing bala niini ang nalakip usab sa gisakiyo.