Ang biktima mao si Charlie delos Santos Butanas, 18, ulitawo, lumolupyo sa maong dapit samtang ang suspetsado mao si Miguel Amoin, hingkod ang panuigon ug silingan sa biktima.
Base sa pamahayag ni Butanas ngadto kang SPO2 Rolito Jumao-as sa Homicide Section sa kapolisan sa dakbayan sa Lapu-Lapu nasayran nga mga ala 1:00 sa milabay'ng hapon si Butanas mihikap sa piso ni Amoin nga naa sulod sa tangkal kay buot kini nga mopalit.
Si Amoin nga nagduda nga kini kawatan iyang gi - switch on ang live wire nga iyang gibutang sa tangkal sa manok hinungdan nga si Butanas nakuryentihan ug pipila ka segundo iya ra usab nga gipalong ang switch.
Gumikan sa nahiagoman ni Butanas nadala kini sa Lapu-Lapu District hospital hinoon luwas na kini sa makuyaw nga kahimtang, samtang si Amoin misibat human sa maong panghitabo.