Gihimo ang buy bust operation diha mismo sa gate sa tunghaan nga gipangulohan ni SPO3 Tirso Lima ug mga kauban dala ang marked money balor og P50 dunay serial number EE 773374.
Ang suspek (ngalan gipugngan) 15-anyos, nagpuyo sa Rayland subdivision, Cogon Compostela, nakuhaan og napulo ka sticks sa pinaugang marijuana nga giputos sa yellow paper.
Sa report nga nadangat sa Provincial Police Office nagkanayon nga dugay nang gipanid-an sa kapolisan ang bata human nakadawat og reklamo kabahin sa pagpamaligya og mga sticks sa marijuana gawas sa maong tunghaan.
Mao nga gipanid-an kini sa kapolisan sa Compostela ug namatud-an nga mamaligya gayud og marijuana hinungdan nga gisunod gilayon ang buy bust operation.
Ang bata kasamtangan karong gitanggong sa bilanggoan diha sa Compostela detention cell.