"Mao na atong gikatingad-an, bisan kining mga media dinhi sa ato wala makabantay ana," tubag pang Gayotin kabahin sa report sa ABS-CBN niadtong Martes sa gabii.
Matud pa ni Gayotin nga ang nag-unang problema dinhi sa Sugbo mao ang video karera ug ang ikaduha tigbakay, ikatulo ra ang masiao apan duna na silay mga nadakpang nalambigit niini.
Miangkon hinuon si Gayotin nga posibleng dunay mga nag-operate niini apan tago-tago kun guerilla type ang pamaagi, gipasabot ni Gayotin posibleng ang dapit nga giingong nakuhaan og video footage sa ABS-CBN nataligam-an ra sa mga polis sa maong lugar gumikan kay dunay laing giatubang nga mga mas dagkong problema.
"I doubt nga tinuod na siya, gamay na gyud na siya kay so far wala na ang mga karaang mga financiers, wala sad tay nahibaw-ang mga bag-ong mga personalities," asoy pang Gayotin.
Si Criminal Investigation and Intelligence Branch chief, Pablo Labra III sa pakighinabi sa Banat News mibutyag nga walay kamatuuran nga nagpasad ang sugal nga masiao sa dakbayan.
Matud niya nga kung itandi ang masiao karon sa panahon ni kanhi Presidente Ferdinand Marcos iyang gibana-banang singko nalang ka porsiyento ang maong nag-operate niini apan guerilla type kun tago-tago.