Si Gayotin sa pakighinabi sa mga tigbalita kagahapon mibutyag nga matag adlaw 80 ngadto sa 85 porsiyento sa ilang madawat nga tawag diha sa emergency police hotline 166 pulos binuang.
Gimando ni Gayotin nga kun dunay madakpang magbinuang ila kining pasakaan og kaso ug ipahibalo sa media aron mahibaw-an sa publiko nga gidili ang pagbinuang sa mga emergency hotlines.
Matud pang Gayotin kaniadto kun ilang mahibaw-an ug ma-trace ang tawag sagad mga bata ang magbinuang ug ang ilang mga ginikanan mao ray mandoan sa mga polis nga pamaymayan ang ilang mga anak.
"I have ordered the Mobile Patrol Group nga kung dunay madakpang magbinuang ato nang pamultahon and we will have a press release so that people will know nga dili pwede binuangan ang emergency hotlines, because responding to an alarm is not a joke," asoy pang Gayotin.
Buot nga isuhestiyon karon ni Gayotin ngadto sa konseho nga patas-an pa ang multa nga ipahamtang sa mga malapason sa maong ordinansa aron mamenusan na ang mga susamang pagbinuang.