Ang mga namatay mao sila si Kiven Ruflo, 10, Grade V pupil sa Estaca, Compostela, Jolito Timonyo, 17, ulitawo, truck helper sa delivery sa softdrink nga lumad nga taga Lutoban Davao del Sur ug Gilbert Lanas, 32, minyo, taga Tubod, Perelos, Carcar.
Ang mga naangol mao sila si Marvel Cabalhug, 50, minyo nga taga Carajay, Gun-ob sa dakbayan sa Lapu-Lapu nga naaksidente sa iyang motorsiklo sa Marcelo Fernan Bridge ug Teodoro Villarico, 57, minyo nga taga Bulacao sa dakbayan sa Sugbo nga biktima usab sa hit and run sa Pier 4.
Sa nasayran sa Banat News kang PO1 Pedelito Jupia sa Compostela Police Station nga ang PUJ nga pasaheroan nga gimaneho ni Jovenal Castro, 30 anyos, nga taga dakbayan sa Danao maoy nakadasmag patay sa bata nga unang biktima dihang milabang kini sa karsada.
Ang ikaduhang namatay nga si Timonyo ang mikatkat kini sa kilid sa sakyanan alang sa pagdiskarga sa kinahon nga softdrink apan kalit lang gisaghiran sa prime mover truck nga nagguyod sa 40 footer van nga gimaneho ni Rico Villegas, 26, taga Pier 4 sa dakbayan sa Sugbo.
Si SPO1 Temoteo Quirol sa traffic section sa Mandaue City Police Office (MCPO) nga gikahinabi sa Banat News miingon nga gitanggong sa ilang detention cell ang suspetsado human usab kini motahan ngadto kanila.
Samtang ang ikatulong namatay nga si Lanas ang naglakaw usab sa karsada sa Perelos dihang kalit kining gidasmagan sa naghaguros nga taksi.
Si PO2 Democrito Alcover sa kapolisan sa maong lungsod nga gikahinabi sa Banat News miingon nga wala gayod manumbaling ang driver sa taksi nga nakadasmag sa biktima ug kini ang padayon pa nilang gihimoan og pakisusi.