Kabalayan sa mga sapa gidemolis

Tungod sa kahadlok nga dunay mahitabo panahon unya sa pagbaha sa mga kasapaan sa siyudad sa Sugbo, ang Cebu city government dili na mokompiyansa.

Ang city hall nipatuman gahapon sa pagguba sa mga payag-payag ubos sa mga taytayan ug duol sa kasapaan.

Unang gisampolan sa SPEED, ang demolition team sa city hall, mao ang Kinalumsan bridge sa barangay Mambaling.

Uban sa taga Mambaling police ug SPEED, gipangguba nila ang mga illegal structures nga moabot ngadto sa 16 ka payag-payag. Kini agig pagsanong sa kamanduan gikan ni Mayor Tomas Osmeña.

Matud ni Frank Gajudo, operation chief sa SPEED, nga niaging tuig pa ning kamanduan sa city hall ug tungod sa daghan nang ni-question ilang gipangguba ang mga payag payag,duna may nagbagolbol, apan wa na silay mahimo.

Matud sa taga SPEED nga walay relocation site ang ilang irekommendar sa mga tag-iya sa mga payag payag.