Ang mga produkto sa maong brand naglangkob sa mga luggage, bag, pitaka ug ang original nga gigikanan niini o manufacturer ang nasud sa Italy.
Si NBI Director Medardo Delimos mibutyag kagahapon sa Banat News nga adunay mga reklamo nga giduso sa ilang buhatan kabahin sa mga pekeng produkto nga gipamaligya.
Matud ni Delimos nga 20 ka kompaniya dinhi sa Sugbo ang namaligya og mga pekeng produkto sa Louis Vuitton.
Si Judge Antonio Eugenio, executive judge RTC Manila miluwat og 20 ka search warrant batok sa maong mga kompaniya.
Apan wala ibutyag ni Medardo ang mga ngalan sa mga establisamento nga namaligya sa mga pekeng produkto ug ang kantidad sa mga nasakmit nga produkto.
Sa milabay'ng tuig ang NBI mipahigayon na og pagpangronda sa mga establisamento nga namaligya sa mga peke nga produkto apan ang maong ilegal nga kalihokan wala gihapon mahunong.
Si Medardo midungag nga pasakaan og kasong kalapasan sa section 155 sa Intellectual Property Rights Code ang mga establisamento nga nasikop.