Gustong bitayon ang iyang bana

Usa ka asawa kang kansang bana nahukmang patyon pinaagi sa lethal injection wala malipay sa pagbasura sa Kongreso sa death penalty law.

Si Minda (dili tinuod nga ngalan), 41, namalikas dihang iyang nabasahan sa pamantalaan nga gipapas na ang silot kamatayon.

"Kun ila man gyung papason ang death penalty, unya na unta to human bitaya ang akong bana," matud ni Minda.

Suma pang Minda, ang iyang bana milugos sa upat pa katuig nilang an ak ug mao sab ang gihimo niini ngadto sa ilang silingan nga may sakit sa pangisip.

"Ang among anak hangtod karon mosiyagit ug mokilisiw sa kahadlok kun dunay mohisgot sa pangan sa iyang amahan," ni Minda pa.

Didto sila sa Manila pagkahitabo sa lugos. Nagtrabaho ang bana ni Minda sa usa ka food products company. Namauli sila (minda ug anak) sa Sugbo human hukmi og kamatayon ang iyang bana.

"Di gyud ko kapasaylo sa akong animal nga bana tungod sa iyang pagpanamastamas sa among anak," matud pa ni Minda.

(Editor's note: Isip sa pagsanong sa hangyo ni Minda, ang detalye sa hitabo wala nato iapil sa estorya). JVJ