'Home along the relis' demolison

Kapin sa usa ka gatus ka mga pamilya nga anaa magpuyo sa pribadong luna sa karaang relis sa Mobolo demolison na sulod niining semanaha.

Ang consultant sa Urban Poor sa Cebu City Hall, Gerry Marquez mitug-an sa Banat News nga nakig-alayon na siya karon ngadto sa representante sa pamilyang Aznar nga maoy nanag-iya sa luna ug sa mga apektadong pamilya alang sa usa ka tigum.

Tukion sa mao nilang tigum ang pormal nga pagpapahawa sa maong mga pamilya aron ibalhin kini ngadto sa gitaganang relocation site sa siyudad didto sa Talamban.

Matud ni Marquez gi-asikaso karon ang pagpabalhin sa maong mga pamilya nga sakop sa Mabolo Old Railways Association human ang kadaghanan niini ang wala mosukol og kaso sa korte.

Samtang niadtong Sabado, pormal na usab nga gidemolish ang dul-an sa 70 ka mga pamilya diha sa Gil Tudtud Mabolo nga sakop sa Saint Michael Homeowners Association.

Ang mga pamilya nga apektado sa demolisyon gi-relocate kini didto sa San Jose, Talamban.

Ang pamilyang Aznar mao gihapoy nanag-iya sa maong mga luna nga dugay nang gipuy-an sa nahisgutang mga pamilya sulod sa dugay nang mga katuigan.