Patay gyud ang giluba

Namatay ang usa ka tawo kinsa biktima sa pagpanunggab sa miaging gabii sa kanhi sundalo nga gikainom atol usab sa gipahigayong wedding party sa silingan niini sa sitio Isoya, Mactan, Lapu-Lapu.

Si Jonathan Andrade Lungakit, 35 anyos, nga nagpuyo sa maong dapit nadunggaban ni Roland Medalla, 39 anyos, ulitawo ug giingong AWOL isip Philippine Army Air Borne ug nagpuyo usab sa maong dapit. Ang suspetsado naka-ikyas.

Sa imbestigasyon ni SPO2 Rolito Jumao-as sa homicide, sakop sa Homicide Section sa Lapu-Lapu sa maong dakbayan miingon nga igsoon sa suspetsado ang gikasal nga babaye.

Ang biktima nga silingan usab sa maong dapit ang nakig-inom sa suspetsado uban sa pipila usab nila ka mga higala sa dihang mitumaw ang panaglalis sa biktima ug suspetsado.

Ang suspetsado nga nagdala og kutsilyo kalit lang mihansak sa tiyan sa biktima nga maoy hinungdan sa pagkahabwa sa tinai niini.

Giusban pa gayod sa pagdunggab ang liog sa biktima apan dali kining nakahupo ug ang ulo sa biktima ang naigo.