Magpakaaron-ingnong mga turista, uyon si Tedy

Giuyonan ni Mayor Thadeo Ouano ang gipadayag ni Mayor Tomas Osmeña nga posibleng mga turista ang 80 ka terorista nga ania karon sa Sugbo nga gikataho ngadto kaniya.

Gipasabot ni Ouano nga dako kaayo ang kahigayonang ang mga terorista ang magpakaaron-ingnon usab turista sa pagtago sa ilang kaugalingon ngadto sa mga awtoridad.

Giklaro niya nga dako ang iyang pagsalig sa kapasidad sa kapolisan nga maoy hinungdan nga wala gayod siyay pagtuo niini sanglit wala man usab makuha ang maong kasayuran.

Si Ouano miingon nga gikinahanglan gayod ang higpit nga pagbantay sa kapolisan matinuod man o dili ang maong taho nga gipadangat kaniya.

Nunot niini, si Chief Supt. Silverio Alarcio, sa kapolisan sa Police Region-7 mimando sa pagsusi niini.

Si Supt. Agusto Marquez nga maoy hepe sa Regional Intelligence and Investigation Division (RIID-7) maoy gimandoan ni Alarcio sa pagpakigkita kang Ouano.

Ang tumong sa pagpakigkita ni Ouano aron sa ilang tinguha sa pag-validate sa maong taho nga nadawat niini.