Ang biktima giila mao si Maria Jezzel Amodia hingkod, nga nagpuyo sa maong lugar nakuhaan og duha ka CELLPHONE.
Segun sa asoy sa biktima ngadto sa kapolisan nga samtang siya naglingkod daplin sa dalan nga nagtext kalit lang miabot ang tulo nga naila nga sila si Albert Ortega, 18, nga taga Southern Tabok, Maslog, Danao, Jerome Alerta, 22, taga Bonifacio, Poblacion Danao, ug ang drayber sa motorsiklo nga nagtangag sa plaka II 7477 mao si Bernard Añora 19, estudyante nga taga Almendras, Danao, ang tulo pulos mga ulitawo.
Usa sa duha ka angkas ni Añora, maoy nanaog sa motor ug miduol sa biktima dayon tion sa dala niining armas ug gikuha sa suspetsado ang duha ka unit sa 3310.
Ang kapolisan sa Sogod daling mihimo og hot pursuit operation gipangulohan ni SPO1 Ivis Archie ug ang gi augment nga mga sakop sa RMG 7 nga sila si PO1 Manuel Paiz, PO1 Henry Compuesto, ug PO1 Renato Mariano, nga miresulta sa pagkasikop sa tulo didto sa Barangay Luyang Carmen.
Narekober sa kapulisan ang duha ka unit sa nokia 3310, ug laing nasakmit sa tulo ka suspetsado mao ang kalibre 38 tulo ba buhing bala, 22 nga magnum ug laing lima ka buhing bala, usa ka kutsilyo nga nakuha gikan sa posisyon ni Añora.
Ang tulo kasamtangang gitanggong karon sulod sa karsel sa Sogod Police Station ug nagpaabot nga pasakaan og tukmang kaso ngadto sa korte.