Sex education gisupak sa CBCP

Hugtanong gisupak sa Catholic Bishop Conference of the Philippines (CBCP) ang tinguha sa Department of Education (DepEd) nga malakip sa subject sa mga tinun-an sa elementarya ug sekondarya ang sex education.

Kini ilang gipadayag sa giluwatan nilang pamahayag niadtong miaging adlaw isip reaksiyon sa tinguha sa DepEd nga ang sex education malakip na sa pagtudlo sa mga tinun-ang kabataan.

Sumala sa DepEd nga labing gikinahanglan nga matudloan gayod ang mga batan-ong tinun-an ang safe sex aron kalikayan ang AIDS ug ang sayong pagpanganak.

Ang maong baruganan sa DepEd ang nasukwahi usab sa baroganan sa CBCP kinsa nag-ingon nga dili kini makahatag og kaayohan sa kabataan ang sex education sanglit linghod pa ang ilang kaisipan.

Dugang pa nila nga ang maong tinguha sa DepEd daw nakapatumaw sa ilang kabalaka nga moubos ang moralidad sa kabataan sanglit dako man ang kahigayonan nga mahitabo ang sayo nga pagpakighilawas.