Kini ang nasuta sa imbestigasyon sa kapolisan sa maong mga babaye nga giingong nadakpan gayod sa akto nga naghubo dihang gironda sa mga sakop sa Criminal Investigation and Ditection Group (CIDG-7)ang usa ka apartment sa dakbayan sa Lapulapu.
Dugang nga nasuta sa kapolisan nga gawas sa dakong kantidad ilang madawat, may kahigayonan pa nga magustohan sa langyaw'ng lalaki nga ilang kustomer ug pakaslan.
Sa nasayran nga si CIDG 7 Deputy Director Rex Derilo maoy nangulo sa pagronda sa apartment nga gipuy-an sa American national nga si Marc Anthony Woolbright sa Camella Home sa Basak sa maong dakbayan.
Sa maong pagronda, nasakmit sa kapolisan ang mga computer ug mga monitoring camera nga gituohang maoy gigamit nga kahimanan sa law-ay nga kalihukan.
Si Woolbright nga gisikop nila ni Derilo giingong nakuhaan usab og shabu, armas nga kalibre 45 nga malakip kini sa kaso nga kalapasan sa Republic Act 9208 kun Anti-Trafficking Act nga isang-at sa korte sa mga sakop sa CIDG 7 nga maoy nakadakop kaniya.
Gibalhog ang suspetsado sa bilanggoan apan nakagawas kini niadtong Sabado sa hapon human makapiyansa sa korte og P200,000 nga kantidad.