Church of the king service

Ang "Church of the King", usa ka charismatic ug non-denominational nga simbahan, mo-abli sa Cebuano ug English niining worship service karong Domingo sa balay ampo-anan niini nga anaa mahimutang sa ikaduhang andana sa Mango Square sa General Maxilom Avenue ning dakbayan.

Ipahigayon matag Domingo, ang Cebuano worship service gikatakda gikan sa alas 2:30 hangtud sa alas 4:30 sa hapon, samtang mosunod ang English nga bersiyon sugod sa alas 5:00 sa hapon hangtud sa alas 7:00 sa gabii.

Tinguha sa "Church of the King" mao nga mamahimo kining gasa sa komunidad pinaagi sa pagsabwag sa mga Pulong sa Diyos nga nalatid sa "Balaan nga Bibliya," nga maoy gituhoan niini nga basihan sa atong pagpakabuhi ning kalibutana.

Kadtong mga indibidwal, dalaga man o ulitawo, mga minyo, ug ingon mga pamilya nga interesado nga mo-apil sa worship service mamahimong motawag nilang Bro. Sam Legaspi sa 0920-9133040 o dili pa ni Bro. Jerome sa (032) 412-7515 o 0917-7366055 alang sa dugang impormasyon. - PR