P400,000 gilamoy sa sunog sa Alegria

Duha ka andana nga panimalay nga nagkantidad og P400 mil ang gilamoy sa sunog nga gipanag-iya og empleyado sa gobiyerno sa miaging adlaw sa Sitio Alangasil, Barangay Madridejos, Alegria.

Ang balay gipanag-iya ni Florencio Jarpacio, 61, minyo, empleyado sa Alegria District Hospital isip usa ka janitor, bugtong ang asawa lang ang nahabilin diha sa ilang balay atol sa pag-ulbo sa kayo.

Nagsugod ang sunog alas 4:20 sa hapon, apan nadawat ang alarma sa kapulisan singko minutos ang nakalabay.

Si Police Senior Inspector Deonpe Español sa Alegria sa pakighinabi sa Banat News nagkanayon nga 6 kilometros ang gilay-on sa balay ni Jarpacio gikan sa Poblacion, apan walay bombero ang lungsod, ang firecycle nga gikan sa provincial capitol ang misuway og santa sa kalayo apan tungod sa kadako sa kalayo wala kini makapawong hinungdan nga ilang gitawagan ang Badian Fire Station og niabot alas 4:35 na.

Base sa imbestigasyon nasayran nga nagsugod ang kayo sa may ikaduhang andana nga dunay karaang linya sa kuryente ang kalit nga nibuto ug dali kaayong nikuyanap ug maoy sinugdanan sa pagsilaob sa kayo.