Kawatan og metro sa MCWD nadakpan

Usa ka lalaki nga kawatan og metrohan sa Metro Cebu Water District ang nadakpan sa akto sa mga barangay tanod sa Mactan, dakbayan sa Lapu-Lapu sa miaging gabii.

Ang nadakpan mao si Juanito Cabangca Abaton, 49 anyos, minyo nga lumad nga taga Magsaysay, Pasil, dakbayan sa Sugbo.

Si Rolando Maluluy-on ug Rudy Casas nga mga barangay tanod sa nahisgotang dapit maoy nakasigpat sa suspetsado nga nagdala sa lima ka metrohan sa tubig.

Dali nilang gidala sa kapolisan ug ang suspetsado uban sa mga ebidensiya nga metrohan ug mga kahimanan nga gigamit sa pagtangtang.

Naglakip niini ang screw driver, katala ug uban nga maoy gigamit sa suspetsado sa pagtangtang sa metrohan.

Si P02 Elmer Canillo sa theft and robbery section sa kapolisan sa maong dakbayan nga gikahinabi sa Banat News nga tulo ka pamilya ang mitaho nga gikawatan sa metrohan sa tubig.