2 ka kawani naabswelto

Duha ka kawani sa gobyerno nga gikasuhan og kalapasan sa Akta Republika 3019 kun Anti-Graft and Corruption Practices Act ug malversation of public property ang giabswelto sa korte tungod sa kaluag sa mga pasangil nga giduso batok kanila.

Si Vivien Ortiz, kanhi Commission on audit (COA) resident auditor gipasanginlan nga nakalapas sa Akta Republika 3019 tungod sa gibaligyang motorsiklo nga service vehicle sa Population on Commission (POPCOM) nga junk nga jeep nga dunay chasis, refrigerator ug uban pa nga mga ekipo nga mikabat sa P45 mil ang halin niini.

Ang prosekusyon nagkanayon nga niadtong Septiyembre siyete ug 16, 1993 gikatakda ang sechedule sa bidding sa nahisgutang mga ekipo sa gobyerno apan napakyas ang maong bidding tungod kay wala may mga bidders nga misalmot sa maong bidding nga mga interesadong mopalit sa butang.

Si Iliminado Requilme, supply officer I sa Popcom, usa sa gipasanginlan nga nakalapas usab sa Akta Republika 3019 gitugotan nga mopahigayon og negosasyon kabahin sa interesadong mopalit sa maong mga butang tungod kay wala may misalmot sa bidding.

Ang mga butang nabaligya ni Requilme sa nahisgutang kantidad ug matud pa niini nga gihatag niya ni Ortiz ang halin.

Si Ortiz kinsa milingkod isip Popcom auditor niadtong Mayo 15, 1993 mihimakak sa pasangil batok kaniya.

Matud ni Ortiz nga tibuok buwan sa Septiyembre sa nahisgutang tuig atol sa disposal sa mga butang na-hospital siya tungod sa iyang toxic goiter ug wala siya'y nadawat nga salapi nga bayad sa ekipo gikan sa usa ka kawani sa Popcom.

Ang maong salapi gideretso sa cashier sa Popcom ug miisyu kini og duha ka official receipt numero 4376105 sa P20 mil ug 4376106 sa P25 mil nga kantidad.

Ang korte nagkanayon nga walay gibug-aton ang pasangil batok ni Ortiz hinungdan nga naabswelto kini.

Sa laing bahin, si C2C Luther Susvilla, kanhi miyembro sa Philippine Constabulary (PC) gipasakaan og kasong malversation tungod kay gipasanginlan kining wala mouli sa usa ka M16 riffle ug duha ka short magazine niini nga dunay 80 ka bala nga mikabat tanan sa P25 mil.

Niadtong Disyembre singko, 1988 si Susvilla miyembro sa giwagtang na nga PC ug sa maong petsa giisyu kaniya ang nahisgutang armas, magazines ug bala niini.

Si Susvilla nakadestino diha sa Cordova Police Station niadtong Hulyo 5, 1996.

Pagka-Marso 20, 2006 mipadala og demand letter ang Police Chief Inspector Officer in charge sa PNP sa Cebu City Police Command nga inig ka Hulyo 1 1996 ipauli ang mga public properties tungod kay wagtangon na ang PC.