Misukol sa tulisan gitabanga'g dunggab

Gitulis nga lalaki gidunggab sa lima ka wala hiilhing mga tawo dihang misukol sa miaging tungang gabii sa Sitio Pulang Bukid sa barangay Alang-Alang, dakbayan sa Mandaue.

Ang biktima giilang si Eduardo Ramos, hingkod ang panuigon, nagpuyo sa maong dapit ang gidali paghatod sa Mandaue City Hospital ug gibalhin sa Vicente Sotto Memorial Medical Center.

Sa imbestigasyon sa kapolisan naglakaw lang ang biktima gikan sa diskohan pagpauli sa ilang panimalay dihang kalit gisugat sa pundok sa wala hiilhing mga batan-on ug mideklarar og tulis.

Human makuha iyang cellphone ug kabtangan diha na misukol ang biktima apan gidunggab kini sa mga suspek.