Kini ang nahipos nga kasayuran sa Banat News sa gihimong pagpakighinabi kang PO2 Roy Sandoval sa Balamban Police Station sa follow up nga gihimo kagahapon.
Ang mga biktima mao sila si Jonathan Sanedo, 36 anyos, minyo ug Apolinario Canjenan, 32 anyos, pulos minyo nga mga lumad nga nagpuyo sa maong dapit.
Miingon si PO2 Sandoval nga sa ilang pakisusi nga gihimo maoy nahibaw-an nga si Sanedo ang adunay record sa kapolisan sa lungsod sa Asturias sa kasong pagpangawat.
Matud pa ni Sandoval nga posibleng naangin lamang si Apolinario Canjenan sanglit mao man ang gikaestorya niini dihang gipusil sa wala hiilhing mga tawo.
Dugang pa niya nga naglingkod lang sa gawas sa ilang panimalay ang duha ka biktima dihang nahidangat ang duha usab ka wala hiilhing mga lalaki ug gipamusil sa makadaghang higayon ang mga biktima nga maoy nakaingon sa ilang hinanaling kamatayon.
Si Sanedo mipasabot nga posibleng naghambin og pagdumot ang suspek sa mga biktima ug gisundog na lang ang vigilante style nga maoy nauso karon sa dakbayan sa Sugbo.