Dugang power producer giawhag

Kagamhanan sa probinsiya sa Sugbo nag-awhag og dugang nga mga independent power producer nga mo-invest dinhi sa Sugbo para matapakan ang bultong gikinahanglang kuryente nga makapadagan sa tanang mga estbalisamento.

Si Gobernador Gwendolyn Garcia nakigtagbo kagahapon sa hapon sa mga opisyal sa Visayan Electric Company (VECO),

Matud ni Garcia kabahin sa umaabot nga makunsomo sa kuryente sa isla ug ang accurate update sa gisaad nga dugang 200 mega watts power gikan sa Kepco Salcon Power Plant ug ang 100 mega watts gikan sa Toledo power plant ang tukion sa tigom.

Gipanghinaot sa kagamhanan sa probinsiya nga ang mga ahensiyang hingtungdan mohatag og kakugi para sa kalamboan sa Sugbo.

Sa laing bahin kagahapon ang Department of Justice mipahigayon lang og tunga sa adlaw nga trabaho tungod sa nahitabong block-out nga nakaapekto sa pagpahigayon sa ilang serbisyo.

Kagahapon usab naghuot ang kadalanan tungod kay walay function ang mga signal lights sa trapiko.

Naputol kagahapon sa alas 10:02 sa buntag ang power supply sa Eastern Visayas region tungod sa nahitabong linog miigo sa Tungonan Leyte nga dunay gikusgong intensity 4 ug intensity 3 sa Ormoc City.

Ang maong linog mihatag og kadaot sa transmission tower sa Leyte dakbayan sa Ormoc ug sa tulo ka power plant.

Ang isla sa Panay, Negros, Cebu, BOhol, Samar ug Leyte nakasinati og block-out kagahapon.