Ang maong balaudnon gipaluyuhan ni Senador Pia Cayetano inubanan sa mga medikal experts sa tinguha nga di na madungagan ang kasamtangang gidaghanon sa natakbuyan niini.
Ang Pilipinas usa sa mga nasud sa Asya diin grabe ang epekto sa maong sakit, 12-15% sa populasyon ang naapektuhan sa Hepa B.
Mga nasud sa China ug Vietnam maoy dunay labing grabeng naapektuhan sa maong sakit diin 10-20% sa populasyon niini ang gikabat. Samtang ang India maoy minus ang natakbuyan nga 4-7% lang sa populasyon ang apektado.
Makuha ang maong sakit gikan sa pagpuli-puli og gamit og dagom sa injection, blood transfusion, sekswal nga buhat, ug pinaagi sa pagtakod gikan sa inahan ngadto sa mga anak.
Sumala sa report diin kuha sa Eduardo J. Aboitiz Cancer Survey, ang numero uno nga sakit sa mga lalake mao ang liver cancer nga nakuha gumikan sa kumplikasyon sakit nga Hepa B ug gisundan sa lung cancer. Samtang liver cancer usab sunod sa breast cancer maoy sagad nga kaso sa kababaihan.
Sa tuig 2005 ang liver cancer maoy ikaduha sa pinakagrabe nga sakit nga mitakboy sa mga Pilipino.
Ang mga bata nga nagpangidarun 0-6 anyos adunay 80-90% nga purohan mataptan sa Hepa B virus kun itandi sa mga hamtong.
Matud ni Dr. Judy Lao-Tan kung mas bata pa naapektuhan sa maong Hepa B virus mas taas ang risgu nga magka liver cancer ang usa ka indibidual.
Usa sa mga pamaagi nga makatabang pagpakgang sa Chronic Hepa B Virus mao ang bakuna, matud pa ni Dr. Cecilia Montalban. Esther Joy Bornales, CNU BA Communication intern Maguwang gipusil giluba sa manghod Ni Rey Pasaporte
Patay ang maguwang kinsa giunay pagdunggab ug gipusil sa iyang manghod nga lalaki didto sa Sitio Bering Barangay San Isidro San Francisco, Camotes pasado alas 5 sa hapon sa miaging adlaw.
Ang namatay mao si Samson Wenceslao, 48, dunay kapuyo ug nagpuyo sa maong lugar, samtang ang midunggab nga iya ra usab nga manghod mao si Ricardo Wenceslao, 32, ulitawo, silingan sa biktima.
Base sa imbestigasyon sa kapulisan sa San Francisco Camotes nasayran nga nag-inom diha sa balay sa biktima ug ang suspek nianang pagkahapon, sa tanto nilang panag-inom miresulta sa pagkahubog.
Si SPO4 Domenciano Sabellano ning lungsod niingon nga naglagot si Ricardo sa iyang maguwang, kay gikulata sa naulahi ang ilang inahan, nga maoy sinugdanan sa ilang panaglalis niadtong tungora.
Ang manghod nga si Ricardo kalit mikuha og sundang diha sa kilid sa bungbong dayong dunggab ka duha ka higayon nga miigo diha sa lawas ni Samson, wala pa matagbaw gipusil pa gayud sa ulo ginamit ang .38 nga kalibre sa armas, nga maoy nakaingon sa kamatayon niini dihadiha.
Boluntaryong mitahan sa iyang kaugalingon ngadto sa kapulisan.
Narekober sa kapulisan ang sundang ug ang 38 nga kalibre nga gigamit sa suspek, ug kasamtangan karun nga gitanggong sa bilanggoan.