Upat "naghithit," dakpan

Upat ka mga lalaki, lakip na ang usa ka menor de edad ang gisignit sa kapulisan sa Carmen ug gibalhog sa bilangguan human naaktohan nga naghit-hit og marijuana ug naghingos pa gayud og rugby niadtong Sabado sa gabii.

Human makadawat og report ang kapulisan nga adunay nag pot session sa may St. Martin Subdivision, Cogon West Carmen, nga gipangulohan sa hepe sa lungsod nga si P/Ins. Carlos C. Reyes Jr. ug mga sakop niini, nisignit nila ni Roger Singson, 30, George Dabon, 20, ug ang managsuong Gomez nga sila si Jimboy, 22 ug Onyok (tinuod ngan gipugngan) 16.

Nakompiskar sa kapulisan nga mga ebidensya gikan sa upat mao ang tulo ka stick sa marijuana ug usa ka botelya nga puno pa sa rugby.

Ang suspetsado anaa karun nagtingkagol sa bilangguan samtang gipasakaan na og tukmang kaso kagahapon sa buntag ngadto sa piskaliya.-Rey Pasaporte