Kakulang sa parkingan gireklamo - Pacaña

Ang kuwang sa libreng lugar nga parkinganan sa mga commercial ug business establishment o kaha walay mga parkinganan ilabina ang mga lugar duol sa mga ospital maoy kasagaran reklamo sa customer, kliyente, apil na ang mga pasyente.

Ang maong kakuwangon nag- aghat kang konsehal Arsenio C. Pacaña sa pagpasaka og resolusyon aron kahatagan og maayong serbisyo ang mga kliyente ug pasyente sa nagka lainlaing establisamento.

Naglangkob sa maong resolusyon ang paghangyo sa Cebu City Zoning Board sa paghimo og makuting pagtuon kabahin sa Parking Provision of City Zoning Ordinance no.1656, sa paghatag og parehong ratio nga 50 porsiyento sa walay bayad nga pagparking ug laing 50 porsiyento ang pabayran aron masiguro ang kaayohan sa publiko, apil na ang paghatag og pagtuon ug rekomendasyon mao ang posibling pag-amendar sa zoning ordinace.

Apil sa maong resolusyon ang pagmando sa opisina sa City Treasurer sa pagbuhat og makuting inspection sa mga nag-operate og pay parking areas, ilabina ang mga lugar duol sa mga ospital aron masayran kung kompleto sa business permit ug nakabayad sa mga business taxes.