Ang guwardiya sa National Broadcasting Corporation (NBC) nga nahimutang sa dalan A.C. Cortes Avenue nga si Noli Salondro, maoy unang nakakita sa biktima alas 4 pasado kagahapon sa kaadlawon.
Ang biktima mao si William Castillo, 53, minyo nga taga Sangi, Pajo, Lapu-Lapu ug ballot vendor nga nagsakay og bisiklita.
Si PO1 Rutchiel Balibatones sa kapolisan sa Presinto 5 sa Opao, Mandaue nga gikahinabi sa Banat News miingon nga ilang gituohang gitulis ang biktima kay wala na may sulod ang bukag nga gisudlan sa gisuroy niining ballot.
Matud pa ni PO2 Balibatones nga si Salondro nga maoy nagtaho kanila, unang napaminawan niini ang agulo sa biktima ug sa pagsusi pa niini maoy nakaplagan ang biktima nga nagdulog sa bisiklita.
Dugang pa ni PO2 Balibatones nga ang mga sakop sa Scene on Crime Operation (SOCO) maoy naghimo og pakisusi sa patay'ng lawas sa biktima.