Market gisalikway na gyud ni George

Hingpit na gyud nga gisalikway ni kanhi Konsehal George Rama ang gitanyag nga posisyon ni Mayor Tomas Osmeña isip market administrator sa dakbayan sa Sugbo hulip sa gipatay nga program director sa Bantay Dagat Commission Elpedio "Jojo" dela Victoria Jr.

Gibutyag ni Rama nga interesado gyud unta niyang dawaton ang maong posisyon apan gitambagan siya sa iyang doktor nga mopahulay lang una gumikan kay mao kini gikinahanglan sa iyang lawas.

Giangkon sa kanhi konsehal nga duna siya karoy weak nga immune system gumikan kay dili pa kaayo dugay nga naka-recover gikan sa iyang sakit apan luwas na gikan sa cancer.

Matud ni Rama gihulagway sa iyang doktor nga dili maayo sa iyang panglawas ang maong gitanyag nga posisyon ilabi na kay maglambigit kini sa iyang-adlaw adlaw nga monitoring sa kamerkaduhan.

Apan kun ang kanhi konsehal maoy hatagan og gahum ni Osmeña girekomendar niini sila si konsehal Augustus "Jun" Pe ug ang kanhi hepe sa Squatters Prevention Encroachment and Elimination Division (SPEED) Tony Dotillos nga maoy modumala isip market administrator.