Pinangulohan ni SPO1 Edgar Tauson sa Intelligence Section sa Talisay Police Station uban ni PO3 Benjamin Sabellita ug mga kauban gisignit sa grupo si Solo Racaza, 28, minyo, nga nagpuyo sa maong dapit.
Si Racaza nakuhaan og duha ka putos nga gidudahang may sulod nga shabu, apan ang duha ka mga kauban niini daling misutoy og panagan nga nakabantay sa mga polis.
Si PO3 Sabellita sa pakighinabi sa Banat News niingon nga dili unta nila tuyo si Racaza, tungod kay dili iyang pangan nga ilang nadawat sa impormasyon, apan sa dihang niabot sila sa maong lugar si Racaza uban sa duha pa ka mga kauban naratol nga nakakita kanila, ug ilang nakita nga si Racaza milabay sa duha ka putos nga gidudahang shabu.
Si Racaza pormal nga ilang pasakaan karong adlawa sa kasong illegal nga paghupot ug pagpamaligya og drugas ngadto sa piskaliya, ug kasamtangan nga gitanggong sa Talisay Detention Cell.