Si BID7 Regional Director Geronimo Rosas sa pakighinabi sa Banat News miingon nga kasagaran sa mga langyaw nga ilang gi-deport mao ang mga Koreano ug usa niini nalambigit sa paghimo ug pekeng stamps sa Department of Tourism (DOT) diin ilang nakonpiskar ang mga kagamitan niini.
Ang 40 ka mga langyaw nakalapas usab kini sa ilang pag-overstay dinhi sa nasud, ang uban walay mga working permit ug visa nga nanarbaho dinhi sa Sugbo, undocumented ug mga peke ang mga dokumento hinungdan sa pagpa-deport nila dugang pa ni Rosas.
Ang tanang mga gipa-deport nag-agi kini og due process sa pag-imbestigar kanila sa ilang mga kalapasan ug sa dihang midesider ang ilang labaw sa BID kini gipaubos sa blacklist ug gi-deport balik ngadto sa ilang nasud.
Mipasabot si Rosas nga human sa ilang gihatag nga tagal sa mga langyaw sa pagkuha ug e- card niadtong Abril 15 ila kining gilugwayan ngadto sa bulan sa Hulyo ning tuiga ug magpadayon ang ilang pagsita sa mga langyaw nga naglaroy-laroy dinhi sa Sugbo nga walay dokumento ug nakalapas sa lagda sa BID.