Naligo sa waterfalls gianod sa tubig, patay

Namatay gyod ang usa ka tawo nga naligo sa Bugasok Water Falls sa Colalong Argao niadtong miaging Biyernes sa hapon.

Kini ang nasayran sa Banat News kang PO3 Arnold Abiner sa kapolisan sa nahisgotang lungsod nga gikahinabi kagahapon.

Ang biktima mao si Apolinario Flores, 40 anyos, minyo, nga nagpuyo usab sa nahisgotang dapit.

Sa pasiunang pakisusi maoy nasayran nga kuyog ang biktima sa mga kabanay nga naligo sa maong dapit tungod kay usa kanila nagsaulog sa birthday.

Dugang pa sa maong pakisusi nga nakainom ang biktima og ilimnong makahubog nga naligo ug gianod kini ngadto sa halawom nga bahin nga mokabat sa 40 ka tiil.

Sumala pa ni PO3 Abiner nga milungtad og pipila ka oras nga gipangita ang biktima sa mga kabanay ug alas 5 pasado kining nakaplagan.

Dali unta kining gidala sa district hospital sa maong lungsod apan gideklarar kining patay na sa mga doktor.